Адрас райвыканкама:
211391, Віцебская вобласць, г. Орша,
вул. Аляксандра Астроўскага, 2

Тэлефон:
8-(0216)-51-12-12

E-mail: rikorsha@vitobl.by

Аршанскі раённы выканаўчы камітэт
Аршанскі раённы выканаўчы камітэт
Галоўная / Навіны / Навіны вобласці
9 жніўня 2022

Выхад на новыя рынкі і паступовае нарошчванне магутнасцей. Сяргей Гунько расказаў аб перспектывах ММПЗ

Мёрскі металапракатны завод павінен выйсці на поўную праектную магутнасць 150 тыс. т белай бляхі ў год да 2024 года. Такое патрабаванне агучыў Прэзідэнт Беларусі ў час наведвання прадпрыемства, і для яго выканання прымаецца шэраг мер, у тым ліку па пошуку новых рынкаў збыту і замене некаторага абсталявання. Аб гэтым пасля візіту кіраўніка дзяржавы расказаў журналістам дырэктар ААТ "Белкалярмет" Сяргей Гунько, перадае карэспандэнт БЕЛТА.

Кіраўнік растлумачыў, што завод будаваўся з разлікам на рэалізацыю прадукцыі на еўрапейскім рынку. Аднак белая бляха, якую тут робяць, была ўнесена ў спіс санкцыйных тавараў, у сувязі з чым давялося пераарыентавацца на рынак Расіі, Казахстана. "Рынак Расійскай Федэрацыі - 295 тыс. т, з якіх 140 тыс. т - гэта быў імпарт з Еўрасаюза, Кітая, Казахстана. Гэта тая доля, якую мы ў першую чаргу павінны замясціць. Мы бачым для сябе стратэгічную мэту 100-110 тыс. т на гэтым рынку ў будучым", - растлумачыў кіраўнік "Белкалярмета".

Перспектыўным ён назваў таксама і ўнутраны рынак ёмістасцю 30-35 тыс. т. Раней увесь гэты аб'ём завозіўся па імпарце, а цяпер яго павінен вырабляць ММПЗ.

Паводле слоў Сяргея Гунько, ёсць намёткі і па продажы белай бляхі на рынак афрыканскіх, арабскіх краін, і наконт гэтага цяпер вядуцца перагаворы: "Ёсць кліенты, зацікаўленасць. Цяпер адпрацоўваем лагістычныя ланцужкі для паставак". Акрамя таго, прадпрыемства разлічвае наладзіць продаж на высокамаржынальны рынак краін Сярэдняй Азіі.

Перад заводам пастаўлена задача выйсці на поўную праектную магутнасць 150 тыс. т белай бляхі ў год да 2024 года. Для гэтага прымаецца комплекс розных мер, у тым ліку па замене вадароднай станцыі, адзначыў кіраўнік "Белкалярмета". Ён растлумачыў, што ранейшая выйшла са строю з-за працяглага будаўніцтва завода і несвоечасовага запуску ўсіх тэхналагічных працэсаў. Спецыялісты прыйшлі да высновы, што рамонт ранейшай вадароднай станцыі немэтазгодны і да таго ж зойме амаль паўгода, таму больш разумна замяніць яе на новую. Яна набыта і на працягу 90 дзён павінна пачаць працаваць.

Як адзначыў Сяргей Гунько, адсутнасць вадароднай станцыі не перашкаджае вытворчасці на ўзроўні 6 тыс. т белай бляхі ў месяц з выкарыстаннем азоту замест вадароду. З лістапада гэтага года пасля запуску новай станцыі магутнасць узрасце да 8 тыс. т у месяц з перспектывай яе павелічэння да 150 тыс. т у год.

БелТА

Інтэрнэт-рэсурсы