Настройкі
Настройкі шрыфту
Arial
Times New Roman
Памер шрыфту
A
A
A
Iнтэрвал памiж лiтарамі
Стандартны
Павялічаны
Вялікі
Каляровая схема
Чорным
па белым
Белым
па чорным
Аршанскі раённы выканаўчы камітэт
Галоўная / Навіны / Навіны рэспублікі
11 жніўня 2022

Беларусь і ААЭ абмеркавалі перспектывы развіцця партнёрскага бізнесу

У Нацыянальным цэнтры маркетынгу абмеркавалі перспектывы выхаду Беларусі на рынкі трэціх краін з выкарыстаннем дубайскага хаба. Аб гэтым паведамілі БЕЛТА ў прэс-службе НЦМ.

Прадстаўнікі НЦМ правялі анлайн-сустрэчу з партнёрскай арганізацыяй у ААЭ Dubai Industrial and Export Development Corporation. У час канферэнцыі бакі абмеркавалі ход падрыхтоўкі мерапрыемстваў, якія знаходзяцца ў працэсе ўзгаднення і рэалізацыі.

"Бакі працуюць над правядзеннем анлайн-семінара для беларускага бізнесу, прысвечанага магчымасцям выхаду на рынкі трэціх краін з выкарыстаннем дубайскага хаба і арганізацыяй галіновай відэаканферэнцыі для дзелавых колаў ААЭ аб перспектывах развіцця бізнесу з Беларуссю. Таксама на сустрэчы абмяркоўвалася стварэнне беларуска-эмірацкага бізнес-клуба, мэтай якога будзе аказанне дапамогі бізнесу, зацікаўленаму працаваць з Беларуссю і ААЭ, на першых этапах асваення новага рынку", - расказалі ў прэс-службе.

Бакі таксама дамовіліся садзейнічаць распаўсюджванню інфармацыі аб бізнес-клімаце Беларусі і ААЭ і ўдзельнічаць у развіцці новых кантактаў.

БелТА

Да спіса навін